រដូវក្តៅមកដល់ហើយ មនុស្សងាយនឹងខ្វះជាតិទឹក។ ដោយសារតែការបែកញើសច្រើន រាងកាយបាត់បង់ជាតិទឹកច្រើនជាងខ្លួន ដែលបណ្តាលឱ្យខ្សោះជាតិទឹក។ ការខះជាតិទឹកអាចនាំឱ្យមានផលវិបាកធ្ងន់ធ្ងរដូចជា ប្រកាច់ ហើមខួរក្បាល ខ្សោយតម្រងនោម ឆក់ សន្លប់ និងសូម្បីតែស្លាប់។
ការខះជាតិទឹកគឺជាបញ្ហាមួយក្នុងចំណោមបញ្ហាទូទៅបំផុតដែលមនុស្សជួបប្រទះក្នុងអំឡុងពេលអាកាសធាតុក្តៅ។
យោងតាមអ្នកជំនាញ ផ្នែកវេជ្ជសាស្រ្ដ ការខ្សោះជាតិទឹកបណ្តាលឱ្យមានជំងឺជាច្រើនក្នុងរាងកាយ ប៉ុន្តែធ្ងន់ធ្ងរបំផុតគឺបញ្ហាពោះវៀន។
ខាងក្រោមនេះជារោគសញ្ញាគួរឱ្យព្រួយបារម្ភមួយចំនួននៃការខ្សោះជាតិទឹកដែលអ្នកមិនគួរព្រងើយកន្តើយ។
បណ្តាលឱ្យច្រាលអាស៊ីត និងហើមពោះ
យោងតាមអ្នកជំនាញផ្នែកវេជ្ជសាស្រ្ដ ការខ្វះជាតិទឹក កាល់ស្យូម និងម៉ាញេស្យូម នឹងបង្កឱ្យមានដំបៅ រលាកក្រពះ ច្រាលអាស៊ីត ដោយសារក្រពះមិនមានទឹកគ្រប់គ្រាន់សម្រាប់ផលិតអាស៊ីតរំលាយអាហារ។
យោងតាមការសិក្សាដែលត្រូវបានចេញផ្សាយនៅក្នុងទស្សនាវដ្តីវេជ្ជសាស្ត្រ Plos One ការផឹកទឹកអាចជួយកំណត់រោគសញ្ញាធ្ងន់ធ្ងរនៃការចាល់អាស៊ីតដោយការបង្កើន pH នៅក្នុងក្រពះជាបណ្តោះអាសន្ន។
លាមកស្អិត
វេជ្ជបណ្ឌិតនិយាយថា លាមកស្អិតអាចជារោគសញ្ញានៃជំងឺរំលាយអាហារបណ្តោះអាសន្ន ឬរ៉ាំរ៉ៃ។ មូលហេតុចំបងគឺការខះជាតិទឹក ឬទទួលទានជាតិខ្លាញ់ច្រើនពេក។ អ្នកជំនាញផ្នែកវេជ្ជសាស្រ្ដណែនាំឱ្យផឹកទឹកយ៉ាងហោចណាស់២លីត្រក្នុងមួយថ្ងៃដើម្បីជៀសវាងបញ្ហានេះបើយោងតាម កាសែត Times Now News ។
ហើមពោះ និងចង្អោរ
នៅពេលដែលរាងកាយខ្វះជាតិទឹក វាបណ្តាលឱ្យទល់លាមក នាំឱ្យហើមពោះ។ វេជ្ជបណ្ឌិតបាននិយាយថា ការផឹកទឹកច្រើនអាចកាត់បន្ថយការហើមពោះដែលបណ្តាលមកពីការខះជាតិទឹក និងអតុល្យភាពអេឡិចត្រូលីត។
ប្រភពតំណ
Kommentar (0)