គណបក្សប្រជាជនកម្ពុជាឈ្នះសំឡេងភាគច្រើននៅព្រឹទ្ធសភាកម្ពុជា។

យោងតាមលទ្ធផលបឋមដែលបានប្រកាសនៅល្ងាចថ្ងៃទី ២៥ ខែកុម្ភៈ គណបក្សប្រជាជនកម្ពុជា (CPP) បានទទួលជ័យជម្នះយ៉ាងត្រចះត្រចង់ក្នុងការបោះឆ្នោតព្រឹទ្ធសភា ដោយទទួលបានអាសនៈច្រើនជាង ៥០ ក្នុងចំណោមអាសនៈសរុបចំនួន ៥៨។

លោកនាយករដ្ឋមន្ត្រី ហ៊ុន ម៉ាណែត បោះឆ្នោតជូនព្រឹទ្ធសភាកម្ពុជា។ រូបថត៖ ខ្មែរថាមស៍

យោងតាមកាសែតខ្មែរថាមស៍ សមាជិកសភារហូតដល់ ១២៥ នាក់ និងសមាជិកក្រុមប្រឹក្សាឃុំ-សង្កាត់ចំនួន ១១.៦២២ បានចុះឈ្មោះបោះឆ្នោតជ្រើសរើសសមាជិកព្រឹទ្ធសភានីតិកាលទី៥។ យោងតាមលទ្ធផលបឋមរបស់គណៈកម្មាធិការជាតិរៀបចំការបោះឆ្នោត (គ.ជ.ប) គណបក្សប្រជាជនកម្ពុជាទទួលបានសំឡេងភាគច្រើនលើគណបក្ស នយោបាយ ដែលនៅសល់ចំនួនបី គឺគណបក្សឆន្ទៈខ្មែរ គណបក្សហ៊្វុនស៊ិនប៉ិច និងគណបក្សអំណាចជាតិ ដែលមានអ្នកទៅបោះឆ្នោត ៩៩,៨៦% នៅថ្ងៃទី២៥ ខែកុម្ភៈ។

បើតាមលោក ប្រាជ្ញ ច័ន្ទ ប្រធាន គ.ជ.ប ការបោះឆ្នោតព្រឹទ្ធសភា បានប្រព្រឹត្តទៅក្នុងបរិយាកាស សន្តិភាព គ្មានអំពើហិង្សា និងការរារាំងណាមួយឡើយ។

ក្នុងពេលរង់ចាំលទ្ធផលផ្លូវការ អ្នកនាំពាក្យគណបក្សប្រជាជនកម្ពុជា លោក សុខ ឥសាន មានប្រសាសន៍ថា វាគឺជា “ជ័យជម្នះដ៏ត្រចះត្រចង់” សម្រាប់គណបក្សប្រជាជនកម្ពុជា ដែលបានទទួល “អាសនៈច្រើនជាង ៥០ ក្នុងចំណោម ៥៨ អាសនៈ”។ បន្ទាប់ពីបោះឆ្នោតនៅវិទ្យាល័យព្រះស៊ីសុវត្ថិ រាជធានីភ្នំពេញ នៅព្រឹកថ្ងៃទី២៥ ខែកុម្ភៈ លោកនាយករដ្ឋមន្ត្រី ហ៊ុន ម៉ាណែត មានប្រសាសន៍ថា គណបក្សចំនួន៤ ដែលចូលរួមប្រកួតប្រជែងការបោះឆ្នោតព្រឹទ្ធសភានីតិកាលទី៥ បានប្រព្រឹត្តទៅដោយសេរី យុត្តិធម៌ និងតម្លាភាព ក្នុងបរិយាកាសសន្តិភាព និងអហិង្សា។

ចំណែកប្រធានគណបក្សប្រជាជនកម្ពុជា និងជាអតីតនាយករដ្ឋមន្ត្រី ហ៊ុន សែន ទៅបោះឆ្នោតនៅក្រុងតាខ្មៅ ខេត្តកណ្តាល។ ជាមួយនឹងជ័យជំនះរបស់គណបក្សប្រជាជន លោក ហ៊ុន សែន ត្រូវបានគេរំពឹងថានឹងក្លាយជាប្រធានព្រឹទ្ធសភា។ បើតាម គ.ជ.ប លទ្ធផលផ្លូវការនៃការបោះឆ្នោតព្រឹទ្ធសភានឹងមាននៅប៉ុន្មានសប្តាហ៍ខាងមុខ។

ព្រឹទ្ធសភាកម្ពុជាមាន៦២អាសនៈ ស្មើនឹង៥០%នៃអាសនៈរដ្ឋសភាបច្ចុប្បន្ន។ ការបោះឆ្នោតព្រឹទ្ធសភានៅកម្ពុជា ធ្វើឡើងក្រោមការបោះឆ្នោតអសកល ដោយមានសមាជិកព្រឹទ្ធសភាចំនួន ៥៨រូប ជ្រើសរើសដោយសន្លឹកឆ្នោតពីសមាជិករដ្ឋសភាដែលកំពុងកាន់អំណាច និងសមាជិកក្រុមប្រឹក្សាឃុំ សង្កាត់។ ក្នុងចំណោមអាសនៈចំនួន ៤ ដែលនៅសេសសល់ មាន ២ អាសនៈ ត្រូវបានតែងតាំងដោយព្រះមហាក្សត្រកម្ពុជា និង ២ អាសនៈ ត្រូវបានតែងតាំងដោយរដ្ឋសភា តាមរយៈដំណើរការបោះឆ្នោតទុកចិត្ត។

ខាន់ មីន

ប្រភព