នាយករដ្ឋមន្ត្រីថៃ Paetongtarn ត្រូវបានព្យួរពីតំណែង

យោងតាម កាសែតបាងកកប៉ុស្តិ៍ កាលពីថ្ងៃទី១ ខែកក្កដា តុលាការធម្មនុញ្ញថៃបានសម្រេចព្យួរ នាយករដ្ឋមន្រ្តី Paetongtarn Shinawatra ពីតំណែងដោយរង់ចាំការពិចារណាលើបណ្តឹងទាមទារឱ្យដកលោកស្រីចេញ។

ប្រភពដដែលបានបន្តថា៖ «ដោយសំឡេងគាំទ្រ ៧ សំឡេង និង ២ សំឡេងប្រឆាំង តុលាការធម្មនុញ្ញបានសម្រេចព្យួរលោកស្រី Paetongtarn Shinawatra ពីតួនាទីជានាយករដ្ឋមន្ត្រីពីថ្ងៃទី ១ ខែកក្កដា រហូតដល់តុលាការធម្មនុញ្ញធ្វើការជំនុំជម្រះ»។

នាយករដ្ឋមន្ត្រីថៃ Paetongtarn Shinawatra។ រូបថត៖ Bangkok Post។

តុលាការធម្មនុញ្ញបានទទួលយកញត្តិពីសមាជិកព្រឹទ្ធសភាចំនួន ៣៦រូប ដែលស្នើឱ្យស៊ើបអង្កេតលើការលេចធ្លាយការសន្ទនាតាមទូរស័ព្ទរវាងលោក Paetongtarn និងប្រធានព្រឹទ្ធសភាលោក ហ៊ុន សែន កាលពីខែមុន និងដើម្បីដកលោកស្រីចេញពីតំណែងជានាយករដ្ឋមន្ត្រី។

ទោះជាយ៉ាងណា អ្នកស្រី Paetongtarn នៅតែរក្សាទុកជារដ្ឋមន្ត្រីក្រសួងវប្បធម៌ក្នុងខុទ្ទកាល័យ។

ឧបនាយករដ្ឋមន្រ្ដី Suriya Jungrungreangkit នឹងធ្វើជានាយករដ្ឋមន្ត្រីស្តីទីនៃប្រទេសថៃ ខណៈដែលលោកស្រី Paetongtarn ត្រូវបានព្យួរពីតំណែង។

កន្លងមកកាលពីថ្ងៃទី ២៨ ខែមិថុនា បាតុកររាប់ពាន់នាក់បានប្រមូលផ្តុំគ្នានៅរដ្ឋធានីបាងកក ទាមទារឱ្យនាយករដ្ឋមន្ត្រីថៃលោក Paetongtarn Shinawatra ចុះចេញពីតំណែង។

ការតវ៉ាដែលរៀបចំឡើងដោយចលនា Ruam Palang Paendin Pokpong Athipatai (សម្ព័ន្ធថាមពលជាតិដើម្បីការពារ អធិបតេយ្យភាព ) គឺជាចលនាដ៏ធំបំផុតចាប់តាំងពីគណបក្សភឿថៃឡើងកាន់អំណាចក្នុងឆ្នាំ ២០២៣។

>>> មិត្តអ្នកអានត្រូវបានអញ្ជើញទស្សនា វីដេអូ បន្ថែម៖ កូរ៉េខាងត្បូងបានដកប្រធានាធិបតី Yoon Suk Yeol ជាផ្លូវការនៅខែមេសា ឆ្នាំ 2025