ជម្លោះអ៊ីស្រាអែល-ហាម៉ាស់៖ អ៊ីតាលី និងអេមីរ៉ាតអារ៉ាប់រួម ចាប់ដៃគ្នាបង្កើតមូលដ្ឋាននៅហ្គាហ្សា ប្រធានាធិបតីប៉ាឡេស្ទីន ប្រកាសទទួលខុសត្រូវចំពោះប្រជាជន

ប្រទេសអ៊ីតាលី និងអេមីរ៉ាត់អារ៉ាប់រួម (UAE) គ្រោងបង្កើតមន្ទីរពេទ្យវាល។ ប្រធានអាជ្ញាធរប៉ាឡេស្ទីន (PA) លោក Mahmoud Abbas បានអះអាងថា ថ្នាក់ដឹកនាំប៉ាឡេស្ទីនមិនបានបោះបង់ចោលការទទួលខុសត្រូវរបស់ខ្លួនចំពោះប្រជាជននៅតំបន់ហ្គាហ្សាឡើយ។

Tents and shelters used by displaced Palestinians stand at the yard of Al Shifa hospital during the Israeli ground operation around the hospital, in Gaza City, on November 12. Ahmed El Mokhallalati via Reuters

ប្រទេសអ៊ីតាលី និង UAE គឺជាប្រទេសពីរក្នុងចំណោមប្រទេសជាច្រើនដែលផ្តល់ជំនួយមនុស្សធម៌យ៉ាងសកម្ម ដើម្បីជួយសម្រាលវិបត្តិនៅតំបន់ហ្គាហ្សា។ (ប្រភព៖ Reuters)

កាលពីថ្ងៃទី 30 ខែវិច្ឆិកា រដ្ឋាភិបាល អ៊ីតាលីបានប្រកាសថាខ្លួន និង UAE កំពុងពិចារណាបង្កើតមន្ទីរពេទ្យវាលមួយនៅហ្គាហ្សា ខណៈដែលទីក្រុងរ៉ូមបានបញ្ជូនវេជ្ជបណ្ឌិតទៅ UAE ដើម្បីជួយព្យាបាលកុមារប៉ាឡេស្ទីន។

ជាផ្នែកមួយនៃកិច្ចខិតខំប្រឹងប្រែងដើម្បីជួយជនស៊ីវិលដែលរងរបួសក្នុងសង្គ្រាមហាម៉ាស-អ៊ីស្រាអែល អ៊ីតាលីបានបញ្ជូនជំនួយមនុស្សធម៌ទៅកាន់តំបន់តាមយន្តហោះ ហើយកប៉ាល់ពេទ្យយោធាគ្រោងនឹងមកដល់កំពង់ផែ Al Arish របស់ប្រទេសអេហ្ស៊ីបនៅថ្ងៃទី 3 ខែធ្នូ។

នាយករដ្ឋមន្រ្តី អ៊ីតាលី Giorgia Meloni ដែលកំពុងចូលរួមកិច្ចប្រជុំកំពូលស្តីពីអាកាសធាតុ COP28 នៅទីក្រុងឌូបៃ នឹងធ្វើដំណើរទៅកាន់ UAE ជាមួយក្រុមគ្រូពេទ្យកុមារមកពីមន្ទីរពេទ្យកុមារអ៊ីតាលីចំនួនពីរ។

នៅក្នុងការអភិវឌ្ឍន៍មួយផ្សេងទៀត ក្នុងអំឡុងពេលជួបជាមួយរដ្ឋមន្ត្រីការបរទេសអាមេរិក លោក Antony Blinken កាលពីថ្ងៃទី 30 ខែវិច្ឆិកា ប្រធានាធិបតីប៉ាឡេស្ទីន Mahmoud Abbas បានអំពាវនាវឱ្យមានបទឈប់បាញ់ពេញលេញនៅហ្គាហ្សា។

លោក Mahmoud Abbas បានគូសបញ្ជាក់ពីការផ្លាស់ទីលំនៅរបស់ជនជាតិប៉ាឡេស្ទីននៅតំបន់ Gaza និងតំបន់ West Bank ជាពិសេសក្នុងបរិបទនៃការកើនឡើងនៃការវាយប្រហារពីសំណាក់អ្នកតាំងលំនៅជនជាតិជ្វីហ្វចាប់តាំងពីថ្ងៃទី 7 ខែតុលា។ លោកប្រធានាធិបតីបានបញ្ជាក់ថា ថ្នាក់ដឹកនាំប៉ាឡេស្ទីនមិនបានបោះបង់ចោលការទទួលខុសត្រូវរបស់ខ្លួនចំពោះប្រជាជន Gaza ឡើយ។

ប្រភព