ក្រុមហ៊ុនអវកាសឯកជន SpaceX បានចាប់ផ្តើមបង្ហោះផ្កាយរណបត្រួតពិនិត្យអាកាសធាតុកម្រិតខ្ពស់សម្រាប់កងកម្លាំងអវកាសអាមេរិក។
ការបាញ់បង្ហោះនេះ ធ្វើឡើងដោយគ្រាប់រ៉ុក្កែត Falcon 9 ចេញពីកន្លែងបាញ់បង្ហោះអវកាស នៅមូលដ្ឋានទ័ពអាកាស Vandenberg រដ្ឋកាលីហ្វ័រញ៉ា។ ក្រុមហ៊ុន SpaceX បានបញ្ជាក់ថា ផ្កាយរណបនេះត្រូវបានដាក់ពង្រាយ។ ដំណាក់កាលដំបូងនៃគ្រាប់រ៉ុក្កែត Falcon 9 បានបំបែកខ្លួន និងចុះចតនៅលើកប៉ាល់គ្មានមនុស្សបើកក្នុង មហាសមុទ្រប៉ាស៊ីហ្វិក ប្រហែលប្រាំបីនាទីបន្ទាប់ពីការបាញ់បង្ហោះ។
បេសកកម្មនេះត្រូវបានគេហៅថា USSF-62 នឹងបញ្ជូនផ្កាយរណបត្រួតពិនិត្យអាកាសធាតុទៅកាន់គន្លងផែនដីទាប ដែលអាចឱ្យសមត្ថភាពរូបភាពថ្មីដើម្បីប្រមូលទិន្នន័យអាកាសធាតុនៅក្នុងគន្លងផែនដីទាប។
កាលពីខែកុម្ភៈកន្លងទៅ ក្រុមហ៊ុន SpaceX ក៏បានបាញ់បង្ហោះផ្កាយរណប Pace របស់ NASA ដោយជោគជ័យ ដើម្បីជួយតាមដានមហាសមុទ្រ និងបរិយាកាសរបស់ផែនដី តាមវិធីលម្អិតបំផុតមិនធ្លាប់មាន។
ខាងត្បូង
ប្រភព
Kommentar (0)