ទំនាក់ទំនងចិន-អាហ្វ្រិកខាងត្បូងទទួលបានសន្ទុះថ្មីសម្រាប់កិច្ចសហប្រតិបត្តិការ

ប្រទេសចិន និងអាហ្វ្រិកខាងត្បូងមានឆន្ទៈក្នុងការលើកកម្ពស់ទំនាក់ទំនងទ្វេភាគី និងខិតខំបន្តធ្វើជាគំរូសម្រាប់កិច្ចសហប្រតិបត្តិការរវាងប្រទេសកំពុងអភិវឌ្ឍន៍។

ប្រធានការិយាល័យគណៈកម្មការកិច្ចការបរទេសនៃគណៈកម្មាធិការមជ្ឈិមបក្សកុម្មុយនិស្តចិន លោក Wang Yi ជួបជាមួយរដ្ឋមន្ត្រីក្រសួងទំនាក់ទំនងអន្តរជាតិ និងសហប្រតិបត្តិការអាហ្វ្រិកខាងត្បូង Naledi Pandor ក្នុងទីក្រុង Johannesburg ប្រទេសអាហ្វ្រិកខាងត្បូង នាថ្ងៃទី២៤ ខែកក្កដា។ (ប្រភព៖ Xinhua)

ថ្លែងក្នុងជំនួបជាមួយរដ្ឋមន្ត្រីទំនាក់ទំនងអន្តរជាតិ និងសហប្រតិបត្តិការអាហ្វ្រិកខាងត្បូង លោក Naledi Pandor លោក Wang Yi បានអះអាងថា BRICS គឺជាវេទិកាដ៏សំខាន់បំផុតសម្រាប់អ្នកតំណាងនៃទីផ្សារកំពុងរីកចម្រើន និងប្រទេសកំពុងអភិវឌ្ឍន៍ធំៗ ដើម្បីបង្កើនកិច្ចសន្ទនា និងកិច្ចសហប្រតិបត្តិការ ហើយក៏ជាស្ពានសម្រាប់ការផ្លាស់ប្តូរព័ត៌មានជាយុទ្ធសាស្ត្រនៅអឌ្ឍគោលខាងត្បូងផងដែរ។

ទីក្រុងប៉េកាំងក៏បានអំពាវនាវយ៉ាងសកម្មឱ្យបន្តពង្រឹងកិច្ចសហប្រតិបត្តិការក្នុងចំណោមសមាជិក BRICS លើកកម្ពស់ពហុភាគីនិយម និងការរួមដៃគ្នាដើម្បីធានាស្ថិរភាពសម្រាប់ពិភពលោកដែលប្រឈមមុខនឹងវិបត្តិឥតឈប់ឈរ។

លោក Wang Yi បានអត្ថាធិប្បាយថា ក្នុងបរិបទក្រោយ Covid-19 ចិន និងអាហ្រ្វិកខាងត្បូងចាំបាច់ត្រូវលើកកំពស់ភាពជាដៃគូយុទ្ធសាស្ត្រគ្រប់ជ្រុងជ្រោយរបស់ពួកគេឱ្យកាន់តែទូលំទូលាយ និងកម្រិតកាន់តែស៊ីជម្រៅ ដោយបន្តក្លាយជាគំរូសម្រាប់ស្មារតីនៃកិច្ចសហប្រតិបត្តិការរវាងប្រទេសកំពុងអភិវឌ្ឍន៍។

លើសពីនេះ ប្រទេសចិនមានឆន្ទៈក្នុងការធ្វើការជាមួយប្រទេសអាហ្រ្វិកខាងត្បូង ដើម្បីអនុវត្តប្រកបដោយប្រសិទ្ធភាពនូវគំនិតផ្តួចផ្តើមខ្សែក្រវ៉ាត់ និងផ្លូវ និងផែនការកសាង និងស្តារ សេដ្ឋកិច្ច អាហ្វ្រិកខាងត្បូង។ ទន្ទឹមនឹងនោះ ភាគីទាំងពីរអាចពង្រីកកិច្ចសហប្រតិបត្តិការលើវិស័យរ៉ែ សេដ្ឋកិច្ចឌីជីថល ថាមពលស្អាត ឧស្សាហកម្មការពារបរិស្ថាន ការអភិវឌ្ឍន៍ធនធានសមុទ្រ និងការកាត់បន្ថយភាពក្រីក្រ។

ដោយបង្ហាញពីជំនឿថាទំនាក់ទំនងអាហ្រ្វិកខាងត្បូង - ចិននឹងរក្សាបាននូវកម្រិតនៃការជឿទុកចិត្ត និងកិច្ចសហប្រតិបត្តិការយ៉ាងទូលំទូលាយ លោករដ្ឋមន្ត្រី Pandor បានវាយតម្លៃខ្ពស់ចំពោះជំនួយរបស់ទីក្រុងប៉េកាំង ដែលរួមចំណែកក្នុងការជួយអាហ្រ្វិកខាងត្បូង និងប្រទេសអាហ្រ្វិកផ្សេងទៀតឱ្យយកឈ្នះលើជំងឺរាតត្បាត Covid-19 និងជំរុញការអភិវឌ្ឍន៍សេដ្ឋកិច្ច និងសង្គម។

ប្រភព