អង្គការសហប្រជាជាតិជួបពិភាក្សាគ្នាអំពីស្ថានភាពអាហ្វហ្គានីស្ថាន

បេសកជនពិសេសមកពីប្រទេស និងតំបន់បានចូលរួមកិច្ចប្រជុំដែលរៀបចំឡើងដោយអង្គការសហប្រជាជាតិ (UN) នៅទីក្រុងដូហា ប្រទេសកាតា ដើម្បីពិភាក្សាអំពីស្ថានភាពនៅក្នុងប្រទេសអាហ្វហ្គានីស្ថាន ដែលដឹកនាំដោយអគ្គលេខាធិការអង្គការសហប្រជាជាតិ លោក Antonio Guterres ។

នេះជាកិច្ចប្រជុំលើកទី២របស់អង្គការសហប្រជាជាតិស្តីពីអាហ្វហ្គានីស្ថានក្នុងរយៈពេលតិចជាងមួយឆ្នាំ។ កិច្ចប្រជុំត្រូវបានគេរំពឹងថានឹងមានរយៈពេលពីរថ្ងៃហើយពិភាក្សាអំពីការបង្កើនការសម្របសម្រួលអន្តរជាតិជាមួយអាហ្វហ្គានីស្ថាន។

អ្នករាយការណ៍ពិសេសរបស់អង្គការសហប្រជាជាតិទទួលបន្ទុក សិទ្ធិមនុស្ស នៅប្រទេសអាហ្វហ្គានីស្ថាន លោក Richard Bennett បានសម្តែងក្តីសង្ឃឹមថា កិច្ចប្រជុំនៅទីក្រុង Doha នឹងដាក់មូលដ្ឋានគ្រឹះសម្រាប់កិច្ចប្រជុំដ៏មានអត្ថន័យជាបន្តបន្ទាប់រវាងភាគីពាក់ព័ន្ធលើបញ្ហាធានាសិទ្ធិស្ត្រី និងកុមារីនៅក្នុងប្រទេសអាហ្វហ្គានីស្ថាន។ រដ្ឋាភិបាលតាលីបង់មិនបានបញ្ជូនតំណាងទៅកិច្ចប្រជុំនៅទីក្រុង Doha តាមការអញ្ជើញរបស់អង្គការសហប្រជាជាតិ ដោយលើកឡើងពីការបដិសេធរបស់អង្គការសហប្រជាជាតិក្នុងការទទួលយកលក្ខខណ្ឌស្តីពីជំនួយ។

ធូ ជាំង

ប្រភព