ឧទ្ធម្ភាគចក្រយោធាជប៉ុន២គ្រឿងធ្លាក់ ស្លាប់១នាក់ និងបាត់ខ្លួន៧នាក់

យោងតាមទីភ្នាក់ងារសារព័ត៌មានក្យូដូ កាលពីថ្ងៃទី ២១ ខែមេសា ក្រសួងការពារជាតិ ជប៉ុនបាននិយាយថា ឧទ្ធម្ភាគចក្រយោធាពីរគ្រឿងបានធ្លាក់អំឡុងពេលហ្វឹកហាត់ពេលយប់នៅកោះ Izu ភាគខាងត្បូងនៃទីក្រុងតូក្យូ ដោយបានសម្លាប់មនុស្សយ៉ាងហោចណាស់ម្នាក់ និងបាត់ខ្លួន ៧ នាក់ ។

ឧទ្ធម្ភាគចក្រ២គ្រឿងដែលបាត់នោះ ប្រភេទ៤កៅអី លេខ SH-60K ផ្ទុកមនុស្ស៨នាក់ បានជួបឧបទ្ទវហេតុ ខណៈកំពុងធ្វើសមយុទ្ធប្រឆាំងនាវាមុជទឹកនៅពេលយប់។

ក្នុងអំឡុងពេលហោះហើរ ឧទ្ធម្ភាគចក្រទីមួយបានបាត់ការទាក់ទងនៅម៉ោង 22:38 នាទី ថ្ងៃទី 20 ខែមេសា ម៉ោងក្នុងស្រុក ហើយអាជ្ញាធរបានទទួលសញ្ញាអាសន្នពីយន្តហោះនេះមួយនាទីក្រោយមក។ ប្រហែល 25 នាទីក្រោយមក យន្តហោះផ្សេងទៀតក៏បានបាត់ការទាក់ទង។ ឧទ្ធម្ភាគចក្រទាំងពីរនេះគឺជាផ្នែកនៃនាវាពិឃាត MSDF ។ ព័ត៌មានបឋមបង្ហាញថា ឧទ្ធម្ភាគចក្រទាំងពីរនេះប្រហែលជាបានបុកគ្នា។

ក្នុងអំឡុងពេលប្រតិបត្តិការរុករក MSDF បានរកឃើញដានដែលគេជឿថាជាកំទេចកំទីពីឧទ្ធម្ភាគចក្រ។ បច្ចុប្បន្នសមត្ថកិច្ចកំពុងស្រាវជ្រាវរកមូលហេតុនៃហេតុការណ៍នេះ ។ MSDF បានបញ្ជូននាវារុករកចំនួន 8 គ្រឿង និងយន្តហោះចំនួន 5 គ្រឿង ដើម្បីចូលរួមក្នុងប្រតិបត្តិការជួយសង្គ្រោះ ខណៈកំពុងស៊ើបអង្កេតមូលហេតុនៃគ្រោះថ្នាក់នេះ។

កាលពីខែមេសាកន្លងទៅ ឧទ្ធម្ភាគចក្រ UH-60JA របស់កងកម្លាំងស្វ័យការពារដីគោកជប៉ុន បានធ្លាក់ចូលទៅក្នុងសមុទ្រក្នុងខេត្តអូគីណាវ៉ា ដោយបានសម្លាប់មនុស្ស១០នាក់។

ខាងត្បូង

ប្រភព