កម្ពុជាចាប់ខ្លួនជនសង្ស័យ២នាក់ដែលប្រើឈ្មោះ ហ៊ុន សែន ប្រព្រឹត្តអំពើឆបោក

អាជ្ញាធរកម្ពុជាបានចាប់ខ្លួនជនសង្ស័យពីរនាក់ក្នុងសំណុំរឿងប្រើឈ្មោះប្រធានព្រឹទ្ធសភាកម្ពុជា ហ៊ុន សែន ដើម្បីឆបោកប្រជាពលរដ្ឋតាមបណ្ដាញសង្គម Telegram យកប្រាក់ចំនួន ១៨ ម៉ឺនដុល្លារពីជនរងគ្រោះជាច្រើននាក់។

កាសែតខ្មែរថាមស៍ បានរាយការណ៍នៅថ្ងៃនេះ ទី២២ ខែកុម្ភៈថា ជនសង្ស័យបានប្រកាសតាមតេឡេក្រាមថា សកម្មភាពរបស់ពួកគេទទួលបានការគាំទ្រពីប្រធានព្រឹទ្ធសភាកម្ពុជា។

នាយកដ្ឋានប្រឆាំងឧក្រិដ្ឋកម្មតាមអ៊ីនធឺណិតនៃ ក្រសួងមហាផ្ទៃ កម្ពុជាបានបើកការស៊ើបអង្កេតនៅថ្ងៃទី ១៦ ខែកុម្ភៈ ដែលឈានដល់ការបង្ក្រាបការឆបោក។ ការស៊ើបអង្កេតនេះ ធ្វើឡើងក្រោមការបញ្ជាពីនាយឧត្តមសេនីយ៍ ស ថេត (អគ្គស្នងការនគរបាលជាតិ) និងក្រោមការដឹកនាំរបស់ ឧត្តមសេនីយ៍ឯក ឌី វិជ្ជា (អគ្គស្នងការរងនគរបាលជាតិ)។

Campuchia bắt 2 nghi phạm lừa đảo qua Telegram dùng tên của ông Hun Sen - Ảnh 1. — ជនសង្ស័យ២នាក់ ក្នុងការឆបោក Telegram

ដោយមានការសម្របសម្រួលជាមួយអយ្យការអមសាលាដំបូងរាជធានីភ្នំពេញ នាយកដ្ឋានប្រឆាំងបទល្មើសបច្ចេកវិទ្យា បានឃាត់ខ្លួនជនសង្ស័យចំនួន ០២នាក់ រួមមាន ឈ្មោះ ខេ.អេស.អិន (ភេទស្រី) បម្រើការងារនៅហាងកែសម្ផស្ស និង ប៊ីធីអឹម (ភេទប្រុស) មុខរបរជាសន្តិសុខចំណតរថយន្តនៅផ្សារទំនើប។

តាមលទ្ធផលស៊ើបអង្កេតរបស់សមត្ថកិច្ចជនសង្ស័យទាំង២នាក់បានឆបោកប្រាក់ជនរងគ្រោះប្រមាណ១៨ម៉ឺនដុល្លារ។ ខ្មែរថាមស៍ មិនបានបញ្ជាក់ពីសកម្មភាពឆបោករបស់ជនសង្ស័យទាំងពីរនាក់នោះទេ។

បច្ចុប្បន្នជនសង្ស័យទាំង២នាក់ត្រូវបានការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមផ្លូវច្បាប់។

តាមរយៈហេតុការណ៍ខាងលើ នាយកដ្ឋានទប់ស្កាត់ឧក្រិដ្ឋកម្មតាមអ៊ីនធឺណិតកម្ពុជា បានក្រើនរំលឹកដល់ប្រជាពលរដ្ឋឱ្យមានការប្រុងប្រយ័ត្ន មុននឹងសម្រេចចិត្តវិនិយោគលុយតាមអ៊ីនធឺណិត និងពិចារណាឱ្យបានហ្មត់ចត់នូវប្រភពផ្សាយពាណិជ្ជកម្មអំពីការវិនិយោគតាមអ៊ីនធឺណិតផ្សេងៗជាមុន ដើម្បីចៀសវាងការបាត់បង់ផលប្រយោជន៍ និងទ្រព្យសម្បត្តិក្នុងករណីណាក៏ដោយ នេះបើយោងតាម កាសែតខ្មែរថាមស៍ ។

ប្រភព៖ https://thanhnien.vn/campuchia-bat-2-nghi-pham-dung-ten-ong-hun-sen-de-lua-dao-185250222144009542.htm