ប្រធានគណៈកម្មាធិការចលនាមហាជនមជ្ឈឹម លោក Mai Van Chinh អញ្ជើញទៅសួរសុខទុក្ខ និងជូនអំណោយបុណ្យតេតដល់កម្មករ កម្មការិនី

សមមិត្ត Mai Van Chinh ប្រធានគណៈកម្មាធិការចលនាមហាជនមជ្ឈឹម បានជូនអំណោយដល់កម្មករ។

អញ្ជើញចូលរួមពិធីប្រគល់អំណោយមានសមមិត្ត Nguyen Hung Vuong សមាជិកគណៈកម្មាធិការអចិន្ត្រៃយ៍បក្សខេត្ត ប្រធានគណៈកម្មាធិការចលនាមហាជននៃគណៈកម្មាធិការបក្សខេត្ត ប្រធានគណៈកម្មាធិការរណសិរ្សមាតុភូមិខេត្ត; ថ្នាក់ដឹកនាំសហព័ន្ធការងារខេត្ត។

ប្រធានគណៈកម្មាធិការចលនាមហាជនមជ្ឈឹម លោក Mai Van Chinh បានអញ្ជើញទៅសាកសួរសុខទុក្ខ និងជូនពរឆ្នាំថ្មីដល់កម្មករ កម្មការិនីក្នុងខេត្ត។ ទន្ទឹមនឹងនោះ លោកក៏បានវាយតំលៃខ្ពស់ចំពោះការខិតខំប្រឹងប្រែងរបស់គណៈកម្មាធិការបក្ស និងរដ្ឋាភិបាលខេត្ត Tuyen Quang ក្នុងការអនុវត្តគោលនយោបាយសន្តិសុខសង្គមយ៉ាងសកម្ម និងប្រកបដោយប្រសិទ្ធភាព ថែរក្សាជីវភាព សម្ភារៈ និងស្មារតីរបស់ប្រជាជននាពេលកន្លងមក ជាពិសេសគឺការយកចិត្តទុកដាក់ជួយឧបត្ថម្ភ និងបង្កើតលក្ខខណ្ឌសម្រាប់គ្រប់ៗគ្នា និងគ្រប់ក្រុមគ្រួសារ ទទួលបានភាពកក់ក្តៅ និងសប្បាយរីករាយ។ នេះបង្ហាញពីការយកចិត្តទុកដាក់យ៉ាងខ្លាំងរបស់ថ្នាក់ដឹកនាំមជ្ឈិមចំពោះជនជាតិភាគតិចខេត្ត Tuyen Quang រួមចំណែកលើកទឹកចិត្តប្រជាជនឱ្យមានថ្ងៃបុណ្យ Tet ដ៏កក់ក្តៅ។

លោក Pham Tat Thang សមាជិកគណៈកម្មាធិការមជ្ឈិមបក្ស អនុប្រធានគណៈកម្មាធិការចលនាមហាជនមជ្ឈិមបានជូនអំណោយបុណ្យតេតដល់កម្មករនិយោជិតដែលកំពុងជួបការលំបាក។

គណៈកម្មាធិការចលនាមហាជនមជ្ឈឹមបានប្រគល់ប្រាក់ចំនួន ៥០លានដុង ដល់គ្រួសារជនជាតិភាគតិចដែលមានស្ថានភាពលំបាកនៅខេត្ត Tuyen Quang។

ក្នុងកម្មវិធី ប្រធានគណៈកម្មាធិការចលនាមហាជនមជ្ឈឹម លោក Mai Van Chinh និងគណៈប្រតិភូបានប្រគល់អំណោយចំនួន ៥០ ជូនដល់កម្មករ និយោជិតក្នុងស្ថានភាពលំបាកដែលកំពុងធ្វើការនៅសហគ្រាសក្នុងខេត្ត អំណោយនីមួយៗមានតម្លៃ ១,៣ លានដុង។ ក្នុងឱកាសនេះ គណៈកម្មាធិការចលនាមហាជនមជ្ឈឹម ក៏បានប្រគល់ថវិកាចំនួន ៥០លានដុង ដល់គ្រួសារជនជាតិភាគតិចដែលមានស្ថានភាពលំបាកនៅខេត្ត Tuyen Quang។

ប្រភព៖ https://baotuyenquang.com.vn/truong-ban-dan-van-trung-uong-mai-van-chinh-tham-tang-qua-tet-cong-nhan-nguoi-lao-dong-205490.html