ផ្លូវជាតិលេខ 1A ឆ្លងកាត់ Thanh Hoa ត្រូវបានជន់លិចយ៉ាងខ្លាំង ប៉ូលីសចរាចរណ៍កំពុងបំពេញកាតព្វកិច្ចពេញមួយយប់ដើម្បីដឹកនាំចរាចរណ៍។

យោងតាម VietNamNet ចាប់តាំងពីព្រឹកព្រលឹមថ្ងៃនេះ (ថ្ងៃទី 12 ខែកញ្ញា) ទន្លេ Chieu Bach បានជន់លិចផ្លូវជាតិលេខ 1A កាត់តាមឃុំ Yen Duong និង Ha Binh (ស្រុក Ha Trung)។ មកដល់រសៀលថ្ងៃនេះ កម្ពស់ទឹកបានហក់ឡើងដល់កន្លះម៉ែត្រ ពីលើផ្ទៃផ្លូវ ហើយអាជ្ញាធរត្រូវខិតខំធ្វើការសម្រួលចរាចរណ៍។

លោក Pham Trac Cuong ប្រធានក្រុមប៉ូលីសចរាចរណ៍ស្រុក Ha Trung បានឲ្យដឹងថា តំបន់លិចទឹកស្ថិតនៅក្នុងឃុំ Ha Binh និង Yen Duong រួមមាន ៤ ចំណុច (ចំណុចនីមួយៗមានប្រវែងប្រហែល ១៥០-២០០ ម៉ែត្រ) ផ្លូវនេះមានប្រវែងប្រហែល ២,៥ គីឡូម៉ែត្រ ជម្រៅមធ្យម ៣០-៥០ សង់ទីម៉ែត្រ។

ដើម្បីធានាសុវត្ថិភាពចរាចរណ៍នៅលើផ្លូវនេះ អាជ្ញាធរខេត្ត Thanh Hoa បានដាក់ផ្លាកសញ្ញាព្រមានអំពីគ្រោះថ្នាក់ និងចាត់ឲ្យកម្លាំងប្រចាំការ 24/7 នៅតាមតំបន់លិចទឹក ដើម្បីដឹកនាំ និងសម្រួលចរាចរណ៍។

លោក គួង បានមានប្រសាសន៍ថា “នៅពេលខាងមុខ ម៉ូតូ និងរថយន្ត ៤កៅអី នឹងត្រូវបានណែនាំឲ្យចូលផ្លូវលំលំនៅឋាន ចំណែកយានយន្តផ្សេងទៀតនៅតែអាចឆ្លងកាត់បានធម្មតា។ ប្រសិនបើទឹកទន្លេឡើងខ្ពស់នៅយប់នេះ យើងនឹងចាត់វិធានការបង្វែរចរាចរណ៍ពីចម្ងាយ ដើម្បីធានាសុវត្ថិភាពយានយន្តដែលឆ្លងកាត់”។

រូបភាពខ្លះនៃទឹកជំនន់ដ៏ជ្រៅនៅលើផ្លូវជាតិលេខ 1A ឆ្លងកាត់ស្រុក Ha Trung ខេត្ត Thanh Hoa។