អាមេរិក៖ ការផ្ទុះសណ្ឋាគារនៅរដ្ឋតិចសាស់ បណ្តាលឲ្យមនុស្ស ២១នាក់រងរបួស

ការផ្ទុះនៅសណ្ឋាគារ Sandman Signature ក្នុងទីក្រុង Fort Worth រដ្ឋតិចសាស់ សហរដ្ឋអាមេរិក កាលពីថ្ងៃទី 8 ខែមករា (ម៉ោងក្នុងតំបន់) បណ្តាលឲ្យមនុស្ស 21 នាក់រងរបួស។ សាក្សីបាននិយាយថា បំណែកអគារដ៏ធំត្រូវបានរាយប៉ាយនៅតាមផ្លូវនៅកណ្តាលតំបន់។

យោងតាមទូរទស្សន៍ CNN រូបភាពដែលបានថតនៅកន្លែងកើតហេតុបានបង្ហាញពីបង្អួចកញ្ចក់ដែលបាក់ ជញ្ជាំងដួលរលំ និងគំនរដែកធំៗនៅតាមដងផ្លូវដែលសណ្ឋាគារកម្ពស់ 20 ជាន់ស្ថិតនៅ។ អ្នកនាំពាក្យនាយកដ្ឋានអគ្គីភ័យ Fort Worth លោក Craig Trojacek បាននិយាយថា ក្រុមអ្នកជួយសង្គ្រោះបានជួយសង្គ្រោះមនុស្សមួយចំនួនដែលជាប់នៅក្នុងបន្ទប់ក្រោមដីនៃសណ្ឋាគារ។ ក្នុងចំណោមអ្នករបួសទាំង២១នាក់ មានម្នាក់ស្ថិតក្នុងស្ថានភាពធ្ងន់ធ្ងរ ៤នាក់របួសធ្ងន់ ប៉ុន្តែកម្រិតរបួសមិនមានគ្រោះថ្នាក់ដល់អាយុជីវិតឡើយ ។

បើតាមលោក Trojacek នៅពេលមានការផ្ទុះនោះ សណ្ឋាគារ Sandman មានបន្ទប់ជួលចំនួន ២៦។ សណ្ឋាគារនេះកំពុងធ្វើការជួសជុល ប៉ុន្តែមិនទាន់អាចបញ្ជាក់បានថា សកម្មភាពសាងសង់នេះបង្កឲ្យមានហេតុការណ៍នេះកើតឡើងនៅឡើយទេ។

យោងតាមនាយកដ្ឋានពន្លត់អគ្គីភ័យ Fort Worth ការផ្ទុះអាចបណ្តាលមកពីឧស្ម័ន។ អ្នកស៊ើបអង្កេតកំពុងធ្វើការដើម្បីកំណត់ពីមូលហេតុនៃឧប្បត្តិហេតុនេះ។ បច្ចុប្បន្ននេះមិនមានការបញ្ជាក់ថា ឧបទ្ទវហេតុនេះជាឧក្រិដ្ឋកម្មក្នុងធម្មជាតិនោះទេ។ ជាសំណាងល្អ ភោជនីយដ្ឋានមួយត្រូវបានបិទនៅពេលមានការផ្ទុះ បើមិនដូច្នេះទេ ចំនួនអ្នករបួសនឹងមានច្រើនជាងនេះ។ មានតែបុគ្គលិកភោជនីយដ្ឋានបីនាក់ប៉ុណ្ណោះក្នុងចំណោមអ្នករងរបួស។

មជ្ឈមណ្ឌលរញ្ជួយដីសមុទ្រមេឌីទែរ៉ាណេអឺរ៉ុប (EMSC) បានរាយការណ៍ថា ការរញ្ជួយដីកម្រិត 6.8 រ៉ិចទ័រ បានកើតឡើងនៅលើកោះ Kepulauan Talaud ប្រទេសឥណ្ឌូនេស៊ី នៅព្រឹកថ្ងៃទី 9 ខែមករា។ EMSC បាននិយាយថា ការរញ្ជួយដីនេះមានជម្រៅ 91 គីឡូម៉ែត្រ។ មិនទាន់មានព័ត៌មានអំពីការខូចខាតនៅឡើយទេ។ ជាមួយគ្នានេះ ទីភ្នាក់ងារស្ទាបស្ទង់ភូមិសាស្ត្រអាមេរិក (USGS) បាននិយាយថា គ្រោះរញ្ជួយដីកម្រិត ៦.៧រ៉ិចទ័រ បានកើតឡើងនៅព្រឹកព្រលឹមថ្ងៃទី៩ ខែមករា នៅ មហាសមុទ្រប៉ាស៊ីហ្វិក ក្បែរឆ្នេរសមុទ្រហ្វីលីពីន។ យោងតាមប្រព័ន្ធព្រមានពីរលកយក្សស៊ូណាមិរបស់សហរដ្ឋអាមេរិក ការរញ្ជួយដីមិនបាននាំឱ្យមានការព្រមានអំពីរលកយក្សស៊ូណាមិនោះទេ ហើយមិនមានរបាយការណ៍ភ្លាមៗអំពីការខូចខាត ឬអ្នកស្លាប់ និងរបួសធ្ងន់ធ្ងរនោះទេ។ ចំណុចកណ្តាលនៃការរញ្ជួយដីនេះគឺនៅជម្រៅ 70km ប្រហែល 100km ពីចុងភាគខាងត្បូងនៃកោះ Mindanao ។ នៅខែធ្នូ ឆ្នាំ 2022 ការរញ្ជួយដីកម្រិត 7.6 រ៉ិចទ័របានកើតឡើងនៅឆ្នេរសមុទ្រ Mindanao ដែលនាំឱ្យមានការព្រមានអំពីរលកយក្សស៊ូណាមិ។ យ៉ាងហោចណាស់មនុស្ស៣នាក់បានស្លាប់ក្នុងហេតុការណ៍នេះ ។

ខាន់ មីន

ប្រភព