តាមព័ត៌មានបឋម អគ្គិភ័យបានឆាបឆេះកាលពីវេលាម៉ោង៧និង៣៩នាទីព្រឹក ថ្ងៃទី៥ សីហា នៅក្រុមហ៊ុន Khang Trang Styrofoam (ឃុំ Le Chi ស្រុក Gia Lam ទីក្រុងហាណូយ ) ។
តំបន់ដែលឆេះនោះគឺរោងចក្រចំនួន៣ជួរដែលប្រើជាឃ្លាំងស្នោនៅក្រុង Gia Lam ទីក្រុងហាណូយ។
តាមព័ត៌មានបឋមបានឲ្យដឹងថា អគ្គិភ័យបានឆាបឆេះឃ្លាំងស្តុកស្នោ និងផ្លាស្ទិចក្នុងក្រុមហ៊ុនខាំងត្រាង ។ ភ្លាមៗនោះ ភ្លើងបានឆាបឆេះ បណ្តាលឲ្យមានផ្សែងខ្មៅហុយឡើងកម្ពស់រាប់សិបម៉ែត្រ បង្កការភ័យស្លន់ស្លោ ដល់ប្រជាពលរដ្ឋក្នុងមូលដ្ឋាន។
ក្រោយទទួលបានដំណឹងនេះ កម្លាំងនគរបាលបង្ការ និងពន្លត់អគ្គិភ័យនៃស្នងការដ្ឋាននគរបាលស្រុក Gia Lam បានបញ្ជូនរថយន្តពន្លត់អគ្គិភ័យ និងកម្លាំងទៅកន្លែងកើតហេតុ។
គិតត្រឹមម៉ោង១០ព្រឹកនេះ ភ្លើងបានគ្រប់គ្រងបានហើយ ។ តាមការសង្កេតរបស់អ្នកយកព័ត៌មានបានឲ្យដឹងថា ផ្ទៃដីដែលឆេះមានរោងចក្រ៣ជួរ ផ្ទៃដីនីមួយៗមានទំហំប្រមាណ២០០ម២ ។
ដំបូលដែកខាងលើត្រូវរងការខូចខាតយ៉ាងធ្ងន់ធ្ងរដោយសារសីតុណ្ហភាពខ្ពស់។ ក្រុមពន្លត់អគ្គិភ័យនៅតែបាញ់ទឹកដើម្បីឱ្យត្រជាក់ និងការពារកុំឱ្យភ្លើងឆេះរាលដាល ។ សំណាងល្អមិនមានអ្នករងរបួសក្នុងហេតុការណ៍នេះទេ។
មូលហេតុនៃការឆេះនេះកំពុងស្ថិតក្នុងការស៊ើបអង្កេតនៅឡើយ ។
ប្រភព៖ https://www.baogiaothong.vn/chay-lon-tai-kho-xop-o-gia-lam-nhieu-nguoi-hoang-loan-192240805104423946.htm
Kommentar (0)