អគ្គីភ័យឆាបឆេះឃ្លាំងប្រេងក្នុងក្រុង Lam Dong រថយន្តជាច្រើនគ្រឿងបានឆេះអស់

អគ្គីភ័យបានឆាបឆេះនៅវេលាម៉ោង ០ និង ១៥ នាទី ថ្ងៃទី ១ ខែកញ្ញា នៅឯឃ្លាំងស្តុកប្រេងរំអិល ផ្លូវ Lac Long Quan សង្កាត់ Loc Nga ក្រុង Bao Loc ខេត្ត Lam Dong ។

តាមព័ត៌មានបឋមបានឲ្យដឹងថា នៅវេលាម៉ោងនេះមានអគ្គិភ័យឆាបឆេះខាងក្នុងឃ្លាំងដូចរៀបរាប់ខាងលើ បន្ទាប់មកបានឆាបឆេះយ៉ាងសន្ធោសន្ធៅពេញផ្ទៃ ។ ប្រជាពលរដ្ឋដែលមានវត្តមាននៅកន្លែងកើតហេតុបានប្រើបំពង់ពន្លត់អគ្គិភ័យតូចដើម្បីពន្លត់តែមិនបានសម្រេច។

Cháy kho chứa dầu nhớt ở Lâm Đồng, nhiều ô tô bị thiêu rụi - 1 — រថយន្តនៅក្នុងឃ្លាំងត្រូវភ្លើងឆេះអស់ (រូបថត៖ ភី ខាន់)។

ក្រោយទទួលបានដំណឹងនេះ កម្លាំងនគរបាលបង្ការ និងពន្លត់អគ្គិភ័យខេត្ត Lam Dong បានចល័តរថយន្តពន្លត់អគ្គិភ័យចំនួន៣គ្រឿង និងមន្ត្រី និងទាហានចំនួន៣០នាក់ ទៅកន្លែងកើតហេតុ ដើម្បីពន្លត់ភ្លើង។

ទីតាំងឃ្លាំងផ្ទុកប្រេងរំអិលបានឆេះយ៉ាងសន្ធោសន្ធៅ អណ្តាតភ្លើងបានឆាបឆេះឡើងកម្ពស់ជាង១០ម៉ែត្រ ធ្វើឲ្យពិបាកក្នុងការគ្រប់គ្រងភ្លើង។

មកដល់ម៉ោង៥និង៣០នាទីព្រឹកថ្ងៃដដែលនេះ ភ្លើងបានរលត់ជាស្ថាពរ។ អគ្គិភ័យនេះមិនបណ្តាលឲ្យមនុស្សណាម្នាក់រងរបួសនោះទេ ទោះជាយ៉ាងណា ប្រេងរំអិលទាំងអស់ ឡានដឹកទំនិញ៣គ្រឿង រថយន្តភីកអាប់១គ្រឿង និងរទេះរុញ១គ្រឿង នៅក្នុងឃ្លាំងត្រូវបានឆេះទាំងស្រុង។

កំដៅពីភ្លើងក៏បានប៉ះពាល់ដល់ផ្ទះសម្បែងនិងទ្រព្យសម្បត្តិរបស់គ្រួសារមួយចំនួនទៀតនៅក្នុងតំបន់នោះដែរ ។

មូលហេតុនៃការឆាបឆេះនេះសមត្ថកិច្ចកំពុងស្រាវជ្រាវ។

ប្រភព៖ https://dantri.com.vn/xa-hoi/chay-kho-chua-dau-nhot-o-lam-dong-nhieu-o-to-bi-thieu-rui-20240901115433083.htm