កប.អនឡាញ - នាថ្ងៃទី ៣ ខែតុលា នៅទីស្នាក់ការ ក្រសួងការបរទេស រដ្ឋមន្ត្រីការបរទេស Bui Thanh Son បានទទួលជួបជាមួយរដ្ឋមន្ត្រីទទួលបន្ទុកស្កុតឡេននៃរដ្ឋាភិបាលនៃចក្រភពអង់គ្លេស និងអៀរឡង់ខាងជើង Alister Jack។
រដ្ឋមន្ត្រីការបរទេស Bui Thanh Son បានទទួលជួបលោក Alister Jack លេខាធិការខុទ្ទកាល័យទទួលបន្ទុកស្កុតឡេន (ចក្រភពអង់គ្លេស)។ រូបថត៖ VNA
ក្នុងជំនួបនេះ រដ្ឋមន្ត្រីការបរទេស Bui Thanh Son បានវាយតំលៃថា ភាពជាដៃគូយុទ្ធសាស្ត្ររវាងប្រទេសទាំងពីរមានការអភិវឌ្ឍន៍ប្រកបដោយភាពវិជ្ជមានលើវិស័យផ្សេងៗក្នុងរយៈពេលថ្មីៗនេះ តាមស្មារតីនៃសេចក្តីថ្លែងការណ៍រួមថ្មីស្តីពីភាពជាដៃគូយុទ្ធសាស្ត្រ (ខែកញ្ញា ឆ្នាំ ២០២០)។ រដ្ឋមន្ត្រី Bui Thanh Son បានស្នើថា ភាគីទាំងពីរបន្តជំរុញការផ្លាស់ប្តូរគណៈប្រតិភូជាន់ខ្ពស់ និងគ្រប់ជាន់ថ្នាក់ ជាពិសេសក្នុងឱកាសរំលឹកខួបលើកទី 50 នៃការបង្កើតទំនាក់ទំនងការទូតរវាងប្រទេសទាំងពីរ។ អនុវត្តយន្តការសហប្រតិបត្តិការទ្វេភាគីប្រកបដោយប្រសិទ្ធភាព; សហការយ៉ាងជិតស្និទ្ធនៅវេទិកាពហុភាគី; អនុវត្តយ៉ាងសកម្មនូវកិច្ចព្រមព្រៀងពាណិជ្ជកម្មសេរីវៀតណាម - អង់គ្លេស (UKVFTA); លើកទឹកចិត្តសហគ្រាសអង់គ្លេស រួមទាំងធុរកិច្ចស្កុតឡេន មកបណ្តាក់ទុននៅវៀតណាមជាចំណុចខ្លាំងរបស់ចក្រភពអង់គ្លេស និងស្របតាមអាទិភាពអភិវឌ្ឍន៍ សេដ្ឋកិច្ច -សង្គមរបស់វៀតណាម ដូចជាហិរញ្ញវត្ថុ វិទ្យាសាស្ត្រ-បច្ចេកវិទ្យា នវានុវត្តន៍ ការផ្លាស់ប្តូរបៃតង និងការផ្លាស់ប្តូរថាមពល។ រដ្ឋមន្ត្រី Bui Thanh Son បានអបអរសាទរចក្រភពអង់គ្លេសដែលបានចូលរួមជាផ្លូវការនូវកិច្ចព្រមព្រៀង CPTPP; វាយតំលៃខ្ពស់ចំពោះតួនាទីរបស់ចក្រភពអង់គ្លេសក្នុងការជំរុញការអភិវឌ្ឍន៍ភាពជាដៃគូសម្រាប់ក្របខ័ណ្ឌផ្លាស់ប្តូរថាមពលដោយយុត្តិធម៌រវាងវៀតណាមនិងដៃគូអន្តរជាតិ ហើយបានស្នើថាចក្រភពអង់គ្លេសបន្តជួយឧបត្ថម្ភវៀតណាមក្នុងការកសាងស្ថាប័ន គោលនយោបាយ បណ្តុះបណ្តាលធនធានមនុស្ស ផ្ទេរបច្ចេកវិទ្យាក្នុងដំណើរការផ្លាស់ប្តូរបៃតង និងអភិវឌ្ឍន៍ប្រកបដោយចីរភាព។ និងពង្រឹងកិច្ចសហប្រតិបត្តិការក្នុងវិស័យអប់រំ និងបណ្តុះបណ្តាល រួមទាំងកិច្ចសហប្រតិបត្តិការបណ្តុះបណ្តាលរួមគ្នាជាមួយសាកលវិទ្យាល័យស្កុតឡេន។រដ្ឋមន្ត្រីការបរទេស Bui Thanh Son បានទទួលជួបលោក Alister Jack លេខាធិការខុទ្ទកាល័យទទួលបន្ទុកស្កុតឡេន (ចក្រភពអង់គ្លេស)។ រូបថត៖ VNA
រដ្ឋមន្ត្រីស្កុតឡេន Alister Jack បានសម្តែងក្តីរីករាយចំពោះលទ្ធផលសំខាន់ៗនៃទំនាក់ទំនងដៃគូយុទ្ធសាស្ត្រវៀតណាម - អង់គ្លេស; អះអាងថា វៀតណាមជាដៃគូសំខាន់របស់ចក្រភពអង់គ្លេសក្នុងតំបន់ ភាគីទាំងពីរមានទំនុកចិត្ត នយោបាយ ខ្ពស់ណាស់។ រដ្ឋមន្ត្រី Alister Jack មានសេចក្តីសោមនស្សរីករាយដែលឃើញថា UKVFTA បានចូលរួមចំណែកក្នុងការជំរុញទំនាក់ទំនងសេដ្ឋកិច្ច និងពាណិជ្ជកម្មបន្ថែមទៀត។ អះអាងថា សក្ដានុពលនៃកិច្ចសហប្រតិបត្តិការរវាងប្រទេសទាំងពីរនៅតែមានទំហំធំខ្លាំង ហើយនឹងជំរុញសហគ្រាសអង់គ្លេសបង្កើនការវិនិយោគនៅវៀតណាម។ លោករដ្ឋមន្ត្រី Alister Jack ក៏បានថ្លែងអំណរគុណចំពោះវៀតណាមដែលបានជួយចក្រភពអង់គ្លេសក្នុងដំណើរការចូលរួមកិច្ចព្រមព្រៀង CPTPP; បានឯកភាពថា ភាគីទាំងពីរនឹងបន្តសម្របសម្រួលយ៉ាងជិតស្និទ្ធក្នុងក្របខ័ណ្ឌនៃកិច្ចព្រមព្រៀងនេះ។ រដ្ឋមន្ត្រី Alister Jack បានសម្តែងការឯកភាពជាមួយសំណើរបស់រដ្ឋមន្ត្រី Bui Thanh Son ក្នុងការសម្របសម្រួល និងជំរុញកិច្ចសហប្រតិបត្តិការលើវិស័យផ្សេងទៀតដូចជា វិទ្យាសាស្ត្រ - បច្ចេកវិទ្យា ការអប់រំ - បណ្តុះបណ្តាល កិច្ចសហប្រតិបត្តិការក្នុងតំបន់ អេកូឡូស៊ី និងកសិកម្មឆ្លាតវៃ។ អះអាងថា ចក្រភពអង់គ្លេសនឹងបន្តរួមដំណើរជាមួយនិងគាំទ្រវៀតណាមក្នុងការឆ្លើយតបទៅនឹងបម្រែបម្រួលអាកាសធាតុ ការអភិវឌ្ឍន៍ថាមពលកកើតឡើងវិញ និងហិរញ្ញវត្ថុបៃតង។ ទាក់ទិននឹងបញ្ហាសមុទ្រខាងកើត រដ្ឋមន្ត្រីទាំងពីរបានឯកភាពថា ការធានាសន្តិសុខ សុវត្ថិភាព សេរីភាពនាវាចរណ៍ និងអាកាសចរណ៍នៅសមុទ្រខាងកើតដើរតួនាទីយ៉ាងសំខាន់សម្រាប់សន្តិភាព ការអភិវឌ្ឍន៍ និងវិបុលភាពក្នុងតំបន់ និងពិភពលោក។ រាល់វិវាទទាំងអស់ចាំបាច់ត្រូវដោះស្រាយដោយសន្តិវិធីដោយភាគីពាក់ព័ន្ធតាមរយៈការសន្ទនា ដោយឈរលើមូលដ្ឋាននៃការអនុលោមតាមច្បាប់អន្តរជាតិ ជាពិសេស UNCLOS ឆ្នាំ ១៩៨២។
Kommentar (0)